Category Uncategorized
-
მზეკაბანის გუნდი ჭადრაკის რაიონული ტურნირის გამარჯვებულია
April 29, 2024
Uncategorized
-
ჭადრაკის რაიონული ტურნირის გამარჯვებული გუნდი
1. ანდრია ჭანტურიძე2. გაბრიელ ისაკაძე3. გაბრიელ სუთიძე.4. ლუკა საყვარელიძეწარმატებები პატარებო , მომავალშიც! -
“დედამიწის დაცვის დღე”
April 29, 2024
Uncategorized
-
მზეკაბანელი მეხუთეკლასელები შეუერთდნენ “დედამიწის დაცვის დღეს”. მათ ნახეს ანიმაციური ფილმები “განადგურებული დედამიწა” და “დედამიწის დაცვის წესები” მოსწავლეებმა უპასუხეს მასწავლებლის შეკითხვებს ,გაიაზრეს დღევანდელი დღის მნიშვნელობა.
ბოლოს, მომღერალ გია ნიკოლაძის სიმღერის ( “დედამიწა”) ფონზე შექმნეს საკუთარი კლასის ხე “დედამიწა და ჩვენ “. კლასის დამრიგებელი დარეჯან ჭანტურიძე -
დედაენის დღისადმი მიძღვნილი საზეიმო ღონისძიება
April 29, 2024
Uncategorized
-
მეხუთე კლასში ჩატარდა დედაენის დღისადმი მიძღვნილი საზეიმო ღონისძიება , რომელშიც მონაწილეობდნენ კლასის დამრიგებელი დარეჯან ჭანტურიძე, ქართული ენის პედაგოგი ქეთევან კირკიტაძე და პირველი კლასის მოსწავლეები თამთა მასწავლებელთან ერთად.მოსწავლეებმა მოამზადეს პრეზენტაცია, ლექსები და გამონათქვამები ქართული ენის შესახებ, დახატეს , ლამაზი კალიგრაფიით დაწერეს ასობგერები და “გამოაცხვეს” ანბანი.პირველკლასელებმა გაგვაცნეს ბარბარიზმები და კონკურსში გამოიწვიეს მეხუთე კლასის მოსწავლეები.ღონისძიებამ ძალიან ხალისიანად და საინტერესოდ ჩაიარა .
-
დედა ყოველთვის ერთი და განუმეორებელია
April 29, 2024
Uncategorized
-
2024 წლის 4 აპრილსსწორედ დედები იყვნენ “მზეკაბანელი” მეხუთეკლასელების ყურადღების ცენტრში.შვილებმა მიუძღვნეს ლექსები და სიმღერები. ასევე მისწერეს სამადლობელი წერილები, წარმოსახვით დახატეს ძალიან მცირე დროში, შესთავაზეს ვიქტორინა დედის დღესთან დაკავშირებით, თავადაც ისაუბრეს დედიკოების ღვაწლზე. მრავალფეროვანი აქტივობებით იყო დატვირთული მთელი საღამო. მშობლები დაჯილდოვდნენ შესაბამისი ნომინაციების დიპლომებითა და სიმბოლური საჩუქრებით.მეხუთე კლასის დამრიგებელი დარეჯან ჭანტურიძე.
-
” მადლობა თავისუფლებისთვის!”
April 29, 2024
Uncategorized
-
8 აპრილს ამ თემაზე მეხუთეკლასელ “მზეკაბანელებს” ( ხელმძღვანელი დარეჯან ჭანტურიძე) ჰქონდათ პრეზენტაცია, რომელიც 1989 წლის 9 აპრილის მოვლენებს მიეძღვნა.
ვფიქრობთ, ძალიან მნიშვნელოვანია მათ ასაკში გააზრება ამ ისტორიული გამარჯვებისა, რომელსაც ათეულობით უდანაშაულო ადამიანის სიცოცხლე შეეწირა.
.
მოსწავლეებმა დამოუკიდებლად მოიძიეს სათანადო ინფორმაცია და წარდგნენ თანაკლასელების წინაშე, თითოეულმა მათგანმა თავისებურად ახსნა სამშობლოს სიყვარული და მისი დამოუკიდებლობის არსიაღნიშნული აქტივობა მეორე დღეს დაგვირგვინდა რაიონულ ღონისძიებაში მონაწილეობით, რომელიც მიეძღვნა 9 აპრილს დაღუპული გმირების ხსოვნას.დაე, მშვიდობიან და ერთიან საქართველოში ეცხოვროს ჩვენს მომავალ თაობას! -
“ფული და მისი ფუნქცია უძველესი დროიდან დღემდე“
April 29, 2024
Uncategorized
-
ასეთი იყო კომპლექსური დავალება მე-9 და მე-10 კლასებში,მოსწავლეებმა მოიძიეს ინფორმაციები მსოფლიოში გავრცელებული ფულის 180 სახეობის შესახებ, შეისწავლეს ძველი ქართული და მსოფლიო ნუმიზმატიკური მასალები, წარმოადგინეს პრეზენტაციები და ბოლოს მოეწყო ძველი ფულის კუპიურებისა და მონეტების “მინი მუზეუმი“,რომელიც თავად მოსწავლეთა ინიციატივით შეგროვდა . გამოფენას სტუმრობდნენ სკოლის სხვადასხვა კლასის მოსწავლეები.სამოქალაქო განათლების პედაგოგი ელენე კუტივაძე.
-
დებატები
April 12, 2024
Uncategorized
-
დღეს მეშვიდეკლასელმა “მზეკაბანელებმა” დებატები გამართეს ქუთაისის კერძო სკოლა ” მერმისისა” და თბილისის კერძო სკოლა “ივერიას” თანატოლებთან სადებატო თემა გახლდათ – “ცხოვრების ჯანსაღი წესი და მასთან დაკავშირებული პრობლემები”.დღეს ძალიან ხშირად გვესმის სიტყვები : ” ჯანსაღი ცხოვრება”. მოგვიწოდებენ, მივყვეთ მის წესებს, რომ ვიცხოვროთ იმაზე უკეთ, ვიდრე ეს სინამდვილეში ხდება.ჯანსაღი ცხოვრება გულისხმობს სწორ კვებას, აქტიურ დატვირთვას, ჰიგიენას, დასვებებას, მავნე ჩვევებზე უარის თქმას. სწორედ ამ საკითხებზე მსჯელობდნენ დღეს ონლაინ შეხვედრაზე პატარა მოდებატეები, რომლებიც თავიანთ მოსაზრებას არგუმენტირებულად გადმოსცემდნენ. .მადლობა სკოლა ” მერმისს”, რომელიც გახლდათ ამ შეხვედრის ინიციატორი და დებატების წარმმართველი, მადლობა თითოელ მონაწილეს , სამოქალაქო განათლების პედაგოგს – ელენე კუტივაძეს
-
” მადლობა თავისუფლებისთვის!”
April 12, 2024
Uncategorized
-
8 აპრილს ამ თემაზე მეხუთეკლასელ “მზეკაბანელებს” ( ხელმძღვანელი დარეჯან ჭანტურიძე) ჰქონდათ პრეზენტაცია, რომელიც 1989 წლის 9 აპრილის მოვლენებს მიეძღვნა. ვფიქრობთ, ძალიან მნიშვნელოვანია მათ ასაკში გააზრება ამ ისტორიული გამარჯვებისა, რომელსაც ათეულობით უდანაშაულო ადამიანის სიცოცხლე შეეწირა.მოსწავლეებმა დამოუკიდებლად მოიძიეს სათანადო ინფორმაცია და წარდგნენ თანაკლასელების წინაშე, თითოეულმა მათგანმა თავისებურად ახსნა სამშობლოს სიყვარული და მისი დამოუკიდებლობის არსი.აღნიშნული აქტივობა მეორე დღეს დაგვირგვინდა რაიონულ ღონისძიებაში მონაწილეობით, რომელიც მიეძღვნა 9 აპრილს დაღუპული გმირების ხსოვნას.დაე, მშვიდობიან და ერთიან საქართველოში ეცხოვროს ჩვენს მომავალ თაობას!
-
კოლეგების წარმატებული პრაქტიკის გაზიარება
April 12, 2024
Uncategorized
-
” წარმატების რეალური საიდუმლო ენთუზიაზმია.” უოლტერ კრაისლერის ამ სიტყვების ჭეშმარიტებაში ეჭვი არასდროს შეგვპარვია “მზეკაბანელებს”.” წარმატება ხანგრძლივია, თუ იცი, რატომ ხარ წარმატებული.”სწორედ ენთუზიაზმი, პროფესიონალიზმი და საქმის უსაზღვრო სიყვარული აძლევს ბიძგს კოლექტივს, განვითარდეს და ყოველთვის იყოს ” მოწინავეთა რიგებში”.კათედრების წევრების დღევანდელი შეკრებაც სწორედ ამ მიზანს ემსახურებოდა , გავეცნოთ და შემდგომ მუშაობის დროს გამოვიყენოთ ქართველი თუ უცხოელი კოლეგების წარმატებული პრაქტიკა.საქართველოს პედაგოგთა და მეცნიერთა თავისუფალი პროფკავშირის ინიციატივით ჩატარებულ კონფერენციაში მონაწილეობდა ქართული ენისა და ლიტერატურის პედაგოგი – მაია გოგბერაშვილი, რომელმაც “მზეკაბანელ” კოლეგებთან გააკეთა პრეზენტაცია თემაზე – “დანიური სწავლების მეთოდოლოგიის დანერგვა საქართველოში და მიღწეული. შედეგების გაზირება” მუშაობის პროცესში აქტიურად იყო ჩართული ყველა მასწავლებელი. ძალიან ბევრი საინტერესო მოსაზრება გამოითქვა საპრეზენტაციო თემასთან დაკავშირებით, აღინიშნა,რომ ” მზეკაბანელებს” დიდი გამოცდილება აქვთ ინტერაქტიური მეთოდებით სწავლებისა,მაგრამ ეს არ უშლით ხელს, გაეცნონ სიახლეებს.პედაგოგებმა გამოთქვეს სურვილი, რომ მაისის ბოლოს სკოლაში მოეწყოს მოსწავლეთა მიერ შექმნილი სასწავლო რესურსების დიდი გამოფენა, რომელშიც მთელი სკოლა აქტიურად იქნება ჩართული.ჭირვეულმა მარტმა ვერც განწყობა შეცვალა და მუშაობის სურვილიც ვერ გაანელა. წინ კიდევ ბევრი გამოწვევაა, რომლებსაც აუცილებლად ” შევეჭიდებით”
-
პროფესიული განათლება საგანმანათლებლო სისტემის მნიშვნელოვანი ნაწილი
April 12, 2024
Uncategorized
-
პროფესიული განათლება არის სახელობო განათლება, რომელიც ადამიანს ვაჭრობის, ხელოსნობისა თუ ტექნიკური ტიპის, ასევე სხვადასხვა სფეროში დამხმარე სამუშაოების შესასრულებლად ამზადებს.
პროფესიული განათლება საგანმანათლებლო სისტემის მნიშვნელოვანი ნაწილია და მისი მიღება შესაძლებელია საშუალო, საშუალოს შემდგომ და უმაღლეს სასწავლებლებში. იგი ამზადებს განათლებულ და მოქნილ მუშახელს, რომელსაც უმაღლეს განათლებასთან შედარებით, უფრო კარგად შეუძლია შრომითი ბაზრის არსებულ და მუდმივად ცვალებად საჭიროებებთან გამკლავება. პროფესიული სასწავლებლების კურსდამთავრებულებს შეუძლიათ სერიოზული კონკურენცია გაუწიონ შრომით ბაზარზე უმაღლესი სასწავლებლების კურსდამთავრებულებს, რაც ეკონომიკური და სოციალური განვითარებისთვის აუცილებელი პირობაა.სტუდენტებისა და მშობლებისთვის უმაღლესი განათლება უფრო მიმზიდველი არჩევანია, ვიდრე პროფესიული, რადგან საზოგადოების ერთ ნაწილს პროფესიული კოლეჯები წარუმატებელი მოსწავლეების თავშესაფრად წარმოუდგენია, რაც ბავშვების თვალსაწიერში პროფესიული განათლების მნიშვნელობას აკნინებს. პროფსასწავლებლები პრაგმატული ადამიანებისთვის არსებობს, რომელთაც სურთ სწავლა მოკლე დროში დაასრულონ და დასაქმდნენ. თუმცა ეს არ ნიშნავს იმას, რომ პროფესიული განათლება უმაღლეს განათლებას უნდა დაუპირისპირდეს. პროფესიულ განათლებას თავისი ადგილი აქვს და არ არის გამორიცხული, რომ უმაღლეს განათლებაში ადამიანი პროფესიული განათლების გავლით მივიდეს, ჯერ პრაქტიკულ პროფესიას დაეუფლოს და შემდგომ, სურვილის მიხედვით, აკადემიური მიმართულებით, უმაღლესში ჩააბაროს ან პირიქით, ჯერ უმაღლესი განათლება მიიღოს და შემდეგ დაეუფლოს ახალ პროფესიას.სწორედ ამ მიზნით ,რომ მოსწავლეებს ეს ყველაფერი თავის თვალით ენახათ და დარწმუნებულიყვნენ პროფესიული განათლების საჭიროებაში, კერძო სკოლა „მზეკაბანი-2007“-ის მეცხრეკლასელები ( დამრიგებელი თეა სამხარაძე) ესტუმრნენ ქ.ზესტაფონში არსებულ სამშენებლო კოლეჯს „ კონსტეუქტორი-2“.მოსწავლეებს შესანიშნავი მასპინძლობა გაუწია კოლეჯის ადმინისტრაციამ . მათ წარმოგვიდგინეს პრეზენტაცია პროფორიენტაციის კუთხით, დეტალურად მოგვაწოდეს ინფორმაცია არსებული ფაკულტეტებისა და სხვადასხვა შესაძლებლობების შესახებ. მოსწავლეებს გაესაუბრნენ მოქმედი სტუდენტები , გაუზიარეს საკუთარი გამოცდილება და მიაწოდეს რჩევები .მეცხრეკლასელებმა დაათვალიერეს კოლეჯის ბიბლიოთეკა, მოსასვენებელი და მიმდინარე პრაქტიკული სამუშაოების ოთახები. მათ ასევე დაათვალიერეს სტუდენტების ნამუშევრები და აუდიტორიები.ჩვენი მოსწავლეები კმაყოფილი დაბრუნდნენ შინ და მომდევნო გაკვეთილზე აუცილებლად გაუზიარებენ ერთმანეთს დღევანდელ შთაბეჭდილებებს.აღნიშნული აქტივობა განხორციელდა რუსულ ენაში ნასწავლი თემის საფუძველზე „ ყველა პროფესია საჭირო და მნიშვნელოვანია“.პედაგოგი დარეჯან ჭანტურიძე.IX კლასის დამრიგებელი თეა სამხარაძე+8ყველა რეაქცია:21Aza Memanishvili, Maia Gogberashvili და 19 სხვა პიროვნება