Category Uncategorized

ძალიან ლამაზ და მიმზიდველ გარემოში აღნიშნეს პირველკლასელმა “მზეკაბანელებმა” იაკობ გოგებაშვილის დაბადების დღე მუსიკალურ – -ლიტერატურული კომპოზიციით – ” აი ია – აი მთელი სამყარო”. ერთმანეთს ენაცვლებოდა ლექსი სიმღერა და პატარა წარმოდგენა. დარწმუნებული ვართ, ეს დღე არასოდეს წაიშლება მათი მეხსიერებიდან. მადლობა ასეთი ლამაზი სანახაობისათვის ქალბატონებს – გულთამზე კუბლაშვილსა და ლია ნიკოლაძეს, მეხუთეკლასელ მოსწავლეებს : ბარბარე შალამბერიძეს, ნინი აბჟანდაძეს, ელენე გურულსა და თეკლა ტოფაძეს. , ასევე პირველკლასელთა მშობლებს ჩართულობისა და გვერდით დგომისათვის.

მეტი

მორიგი სტუმარი “მზეკაბანელ” წიგნისმოყვარულებთან. October 27, 2022 Uncategorized No comments

27 ოქტომბერს მესამე და მეოთხეკლასელ

” მზეკაბანელებთან” სტუმრად გახლდათ საკრებულოს წევრი, მოსწავლე- -ახალგაზრდობის ცენტრის ღონისძიებების დაგეგმვისა და განხორციელების წრის ხელმძღვანელი – ქალბატონი რუსუდან კოვზირიძე, რომელმაც პატარებს წაუკითხა რევაზ ინანიშვილის მოთხრობა “ჩიტუნიას ლოცვა” . მსმენელებს ძალიან მოეწონათ ნაწარმოებში გადმოცემული ამბავი. მოსწავლეებმა უპასუხეს სტუმრის ყველა შეკითხვას და ბოლოს იმაზე ისაუბრეს, რომ მსგავსი ” თავგადასავალი ნებისმიერ მათგანს შეიძლება გადახდეს და მათაც მიიღონ “ჩიტუნიას ლოცვა”. პატარებმა დავალებაც მიიღეს : აღწერონ ეს ამბავი , დაასურათონ და წიგნად აკინძონ.

წარმატებები, წიგნისმოყვარულებო!!!

მადლობა, ქალბატონო რუსუდან!!!

მეტი

კულტურული მრავალფეროვნება ჩვენ გარშემო და ტოლერანტობა October 27, 2022 Uncategorized No comments

ასეთი გახლდათ კომპლექსური დავალება, რომელზედაც მეშვიდეკლასელი “მზეკაბანელები” მეორე კვირაა მუშაობენ. ერთ – ერთი ნაბიჯი დავალებისა გახლდათ დისკუსია რელიგიურ ტოლერანტობასთან

დაკავშირებით. ( საგნის მასწავლებელი ელენე კუტივაძე)

საკითხის უკეთ გააზრებისა და დასმულ კითხვებზე ამომწურავი პასუხების მიღების მიზნით, დისკუსიაში მონაწილეობისათვის “მზეკაბანელებმა” მოიწვიეს თერჯოლის ღვთისმშობლის ხარების სახელობის ტაძრის არქიმანდრიტი – მამა ქრისტეფორე, რომელმაც ამომწურავად უპასუხა მოსწავლეებისათვის საინტერესო ყველა შეკითხვას და აქტიურად ჩაერთო დისკუსიაში. მისივე სიტყვებით, ” კარგი დღე გამოვიდა”.

მეტი

” მზეკაბანი” მისთვის მეორე ოჯახია… October 26, 2022 Uncategorized No comments

კიდევ ერთი ახალგაზრდა, პერსპექტიული , ბავშვებსა და თავის საქმეზე შეყვარებული პედაგოგი უნდა გაგაცნოთ…

ქეთევან კირკიტაძემ 2010 წელს დაამთავრა შპს ” მზეკაბანი 2007″ და წარმატებით ჩააბარა ეროვნული გამოცდები ქუთაისის წერეთლის უნივერსიტეტის ფილოლოგიის ფაკულტეტზე. ამჟამად იგი მშობლიურ სკოლაში ქართული ენისა და ლიტერატურის უფროსი მასწავლებელია და მეექვსე კლასი ჰყავს სადამრიგებლოდ. ქეთევანმა მალევე მოახერხა შეგირდებისა და კოლეგების გულის მოგება, კოლექტივში უყვართ და აფასებენ გულისხმიერების, კეთილშობილებისა და სხვა დადებითი თვისებების გამო.

დღეს, 26 ოქტომბერს, მეექვსე კლასში ქართული ენისა და ლიტერატურის გაკვეთილზე შესწავლილ თეორიულ მასალაზე დაყრდნობით შექმნეს მოთხრობა.

ამბავი ყველა მოთხრობაში ერთნაირად არ ვითარდება,თუმცა,მოთხრობების დიდ ნაწილს აქვს აგების საერთო წესი-დასაწყისი,მოქმედების განვითარება,კულმინაცია და ფინალი .მეექვსე კლასელმა მზეკაბანელებმა თეორიის სწავლის შემდეგ შექმნეს მცირე ზომის მოთხრობები ყველა ამ წესის დაცვით და გამართეს პრეზენტაცია .

მეტი

” ტვინების ბრძოლის” შიდასასკოლო ეტაპი დასრულდა. October 26, 2022 Uncategorized No comments

24 და 25 ოქტომბერს განსაკუთრებული ფუსფუსი და ვნებათღელვა შეიმჩნეოდა “მზეკაბანში”. გუნდურ ინტელექტუალურ ტურნირში – ” ტვინების ბრძოლა” 10 გუნდი მონაწილეობდა, დებულების თანახამად, დაწყებით, საბაზო და საშუალო საფეხურებზე. კონკურსის კოირდინატორი გახლდათ სკოლის ინტელექტუალთა წრის ხელმძღვანელი – პედაგოგი ელენე კუტივაძე და მოსწავლეთა თვითმმართველობის წევრები.

ტურნირი დაძაბულად, მაგრამ აზარტულად და ობიექტურად მიმდინარეობდა. შემდეგ ეტაპზე “ბრძოლის ” უფლება მოიპოვეს შემდეგმა გუნდებმა:

მეორე კატეგორიის კლასთა გუნდებს შორის საუკეთესო გახლდათ “მწიგნობარი” ( კაპიტანი მერვეკლასელი ბექა შუღლაძე. დამრიგებელი ხათუნა კლდიაშვილი) მათ 58 ქულის დაგროვება შეძლეს და დამსახურებულად გააგრძელებენ ბრძოლას რეგიონალურ ტურზე.

პირველი კატეგორიის კლასთა გუნდებში გაიმარჯვა “მებრძოლებმა”( მეხუთე კლასის გუნდი, კაპიტანი კონსტანტინე კუბლაშვილი, კლასის ხელმძღვანელი ელენე კუტივაძე.) მათ დააგროვეს 59 ქულა და მოიპოვეს შემდეგ ეტაპზე თამაშის უფლება.

მესამე კატეგორიის კლასთა გუნდებს შორის ( მე- 9; მე- 10 ; მე- 11 და მე- 12 კლასები) პირველობა არავის დაუთმო მეთერთმეტეკლასელთა გუნდმა – ” 5 0 5 “. მათ 53 ქულით მოიპოვეს უფლება , რომ იასპარეზონ რეგიობალურ ტურნირზე. ( გუნდის კაპიტანი გვანცა ქარქაშაძე. კლასის ხელმძღვანელი ინგა გაბრიჭიძე).

ყველა შეკითხვა ლოგიკურ აზროვნებას ეყრდნობოდა . შეკითხვაშივე მოცემული მინიშნებების წყალობით, მონაწილეებმა მოახერხეს საკმაოდ ბევრი ქულის მოგროვება! წარმატებები სკოლის პატარა ინტელექტუალებსა და მათ პედაგოგებს!!!

მეტი

ინტეგრირებული გაკვეთილი ქართულსა და მათემატიკაში მეორეკლასელ ” მზეკაბანელებთან”. October 24, 2022 Uncategorized One comment

თავისი 15 წლიანი ისტორიის განმავლობაში “მზეკაბანში” ძალიან ბევრმა ახალგაზრდამ გადადგა პედაგოგიური მოღვაწეობის პირველი ნაბიჯები და ჩამოყალიბდა პროფესიონალად… ეს ტრადიცია დღემდე გრძელდება. გვსურს, წარმოგიდგინოთ ორი დამწყები პედაგოგი – მარიამ აბესაძე და ანი სახელაშვილი. ქუთაისის წერეთლის უნივერსიტეტის კურსდამთავრებულნი. ისინი მეორე წელია, სრულფასოვანი ” მზეკაბანელები” არიან.

დღეს, 24 ოქტომბერს, მათ ინტეგრირებული გაკვეთილი ჩაატარეს ქართულსა ( პედაგოგი მარიამ აბესაძე) და მათემატიკაში ( პედაგოგი ანი სახელაშვილი). მოსწავლეებმა გეომეტრიული ფიგურების გამოყენებით “შექმნეს ” ქართული ანბანის ყველა ასო და ძალიან ლამაზი რესურსები დაამზადეს.

წარმატებები მარიამსა და ანის პატარებთან ერთად! მრავალი ღირსეული თაობა აღგეზარდოთ!

მეტი

კომპლექსური შემაჯამებელი გაკვეთილი უცხო ენაში October 22, 2022 Uncategorized No comments

დღეს მე-6 კლასში ჩატარდა კომპლექსური შემაჯამებელი გაკვეთილი უცხო ენაში თემაზე” ჩემი ოჯახი”. მოსწავლეებმა დაამზადეს საინტერესო და მრავალფეროვანი პოსტერები , სამიზნე ენაზე აღწერეს საკუთარი ოჯახი.

მეტი

მინი კვლევის შეჯამება October 22, 2022 Uncategorized No comments

შპს “მზეკაბანი 2007-ის” VIII კლასის მოსწავლეებმა

( მასწავლებელი მანანა წერეთელი) შეაჯამეს თავიანთი მინიკვლევა ხალხური ბალადის “ლექსი ვეფხისა და მოყმისა” ვარიანტებთან დაკავშრებით.

მათ წინასწარ გაიარეს რამდენიმე მოსამზადებელი ეტაპი. მოიძიეს ვარიანტები და შეადარეს ერთმანეთს აკ.შანიძისა და ვახტანგ კოტეტიშვილის მიერ მოკვლეული ტექსტები.

ასევე მოისმინეს მსახიობ უშანგი ჩხეიძის მიერ წაკითხული და მომღერალ ილია ზაქაიძის მიერ შესრულებული სიმღერის ტექსტები და იმსჯელეს მათ შესახებ.მათ ღრმად გაანალიზეს ტექსტებს შორის მსგავსება- განსხვავებანი, ეფექტურად გამოიყენეს სლაიდები, საინტერესო მასალები. იმუშავეს ჯგუფებში და მასალა წარმოადგინეს სიღრმისეულად და საინტერესოდ.

ამ კომპლექსური დავალების საშუალებით მათ განიმტკიცეს კვლევის, საზოგადოებასთან ურთიერთობის, არგუმენტირებული მსჯელობისა და ურთიერთთანამშრომლობის უნარები.

მეტი

ქართველ რომანტიკოსთა შემოქმედება მსოფლიო რომანტიზმის ფონზე October 22, 2022 Uncategorized No comments

XI კლასელმა “მზეკაბანელებმა” ( მასწავლებელი მანანა წერეთელი) სიღრმისეულად , მრავალფეროვანი სლაიდების, ორიგინალური ლიტერატურისა და მუსიკის თანხლებით წარმოადგინეს ქართველ რომანტიკოსთა შემოქმედება მსოფლიო რომანტიზმის ფონზე.

მათი პრეზენტაცია იყო ძალზე საინტერესო, ღრმად გააზრებული და ემოციური. მოსწავლეებმა პარალელები გაავლეს ევროპელი და ამერიკელი პოეტების შემოქმედებასთან და გაანალიზეს ის მსგავსება-განსხვავებანი,რაც ახასიათებს მსოფლიოს ნებისმიერ ქვეყანაში რომანტიზმს, როგორც უმნიშვნელოვანეს მიმდინარეობას ხელოვნებასა და ლიტერატურაში.

მათ კიდევ ერთი ლამაზი, ექსპრესიული და საინტერესო დღე შესძინეს თავიან სასკოლო ბიოგრაფიას.