წარმატებული კურსდამთავრებული

,,მზეკაბანი” ფეხდაფეხ მისდევს თავისი კურსდამთავრებულების სტუდენტურ ცხოვრებას.ამიტომ მათი ყოველი წარმატება მაშინვე ხდება ჩვენთვის ცნობილი.სულ ახლახან ძალიან სასიამოვნო ინფორმაცია მივიღეთ: ქუთაისის საერთაშორისო უნივერსიტეტის სტუდენტს, ლანა ჭანტურიძეს, როგორც ოქროსმედალოსანს, წარმატებულად ჩაბარებული ეროვნული გამოცდებისა და ამავდროულად მიმდინარე მაღალი აკადემიური მოსწრებისათვის, სასწავლებლის ადმინისტრაციამ დაუნიშნა ყოველთვიური სტიპენდია 200 ლარის ოდენობით, უფასოდ გამოუყო საცხოვრებელი უნივერსიტეტის კამპუსში და ამავდროულად დაუფინანსა სწავლა მთელი 4 წლის განმავლობაში ( ლანა 50 პროცენტიანი გრანტით გახლავთ ჩარიცხული უნივერსიტეტში)

,,მზეკაბანი,, უერთდება ლანასა და მისი ოჯახის დიდ სიხარულს და კვლავ ველოდებით ახალ მიღწევებს წარმატებული გოგონას სტუდენტური ცხოვრებიდან!

ტყუილად კი არ არის ნათქვამი, ” სწავლის ძირი მწარე არისო….” , კენწერომდე ჯერ კიდევ ბევრი აქვს გასავლელი ლანას, თუმცა სიტკბო უკვე შეიგრძნო.