ჯადოსნური ასოები ანბანეთის სამყაროდან

ეს გაკვეთილი არასდროს დაავიწყდებათ არც პატარა ” მზეკაბანელებსა” და არც მათ პედაგოგს – ლონდა ტოფაძეს, რომელიც თავადაც მასწავლებლობის პირველ ნაბიჯებს დგამს.  ოთახში იისფერი ჭარბობდა, იის სურნელი ტრიალებდა და წვიმიანი ამინდის მიუხედავად, ნათელი და სითბო იღვრებოდა კედლებიდანაც კი. პატარებმა” ანბანეთის სამეფოდან” “ამანათი მიიღეს”, რომელშიც ძალიან საჭირო და თან ” ჯადოსნური საჩუქარი” იდო ძალიან ბევრი სახალისო და შემეცნებითი აქტივობა მოასწრო პედაგოგმა, არც განტვირთვის წუთები დავიწყებია და ასე მხიარულად, მუსიკალურად და ფერადოვნებით შემობრძანდა ანბანი პირველ კლასში. მადლობა ,პირველ რიგში, ლონდა მასწავლებელსა და აღმზრდელს – ანა მემანიშვილს, შემდეგ ჩვენს პატარებს, ამდენი რამ რომ მოუსწრიათ ერთ თვეში და ბოლოს , მადლობა მოსწავლეთა მშობლებს მხარდაჭერისათვის!