კალიგრაფიის მასტერკლასი

„მზეკაბანში“ კიდევ ერთი განსაკუთრებული და ძალიან სასიამოვნო დღე გათენდა

ჩვენს სკოლას სტუმრობდა ქართული კალიგრაფიის მცოდნე, კალიგრაფი ფიქრია ჭაბუკიანი ფიქრია ჭაბუკიანი, რომელმაც მზეკაბანელ მეორეკლასელებს დაუვიწყარი, შემეცნებითი და სითბოთი სავსე დღე აჩუქა.

პატარები ერთად ეზიარნენ ლამაზად წერის კულტურას, ინტერესით გაეცნენ კალიგრაფიის სამყაროს და თავადაც შეეცადნენ შეექმნათ საკუთარი პატარა კალიგრაფიული ნამუშევრები ბავშვებმა ისწავლეს ორი ახალი და საინტერესო სიტყვა — „კალიგრაფია“ და „კალიგრამა“, რამაც მათი ინტერესი კიდევ უფრო გააღრმავა

განსაკუთრებული სიხარული გამოიწვია სტუმრისგან გადაცემულმა სამახსოვრო სერტიფიკატებმა და თითოეული ბავშვისთვის სიყვარულითა და სიფრთხილით შესრულებულმა ,,ჩახუჭუჭებულმა” სახელებმა, რომლებიც მუდამ გაახსენებთ ამ ლამაზ და შთამაგონებელ დღეს.

მადლობა ქალბატონ ფიქრიას იმ ემოციებისთვის, ცოდნისთვის და სიყვარულისთვის, რომელიც მან ჩვენს პატარებს გაუზიარა.