გალაკტიონ ტაბიძის ლირიკის იდუმალი მუსიკა

XII კლასში პრეზენტაცია თემაზე :
“გალაკტიონ ტაბიძის ლირიკის იდუმალი მუსიკა”
მოსწავლეებმა – ლილე გოდუაძემ,ბაქარ დიაკონიძემ, ავთანდილ კუბლაშვილმა,ზაზა მორჩაძემ, ანა რობაქიძემ,ტარიელ ფაჩულიძემ და ანა წიქარიშვილმა -საათ-ნახევრის განმავლობაში ძალიან ლამაზ, იდუმალებით მოცულ და ამავდროულად რომანტიკულ სამყაროში გადაიყვანეს აუდიტორია … პრეზენტატორები ეცადნენ, ჩაწვდომოდნენ პოეტის სულის მშვენიერებას, მისი ლექსების მუსიკალობასა და მიღებული განცდა შეძლებისდაგვარად მიეტანათ მსმენელამდე.
პრეზენტაციებს ფონად გასდევდა გალაკქტიონის ლექსებზე შექმნილი სიმღერების მუსიკა; სლაიდ-შოუმ კიდევ უფრო სანახაობრივი და შთამბეჭდავი გახადა თითოეული მოსწავლის გამოსვლა …მოსმენილ იქნა თავად პოეტის მიერ წაკითხული “მთაწმინდის მთვარის “აუდიო- ჩანაწერი, თითქოს დიდი მგოსნის სული აქვე ტრიალებდა….